Efni síðu:

Ökuréttindi

Eldri og ný ökuskírteini

Ýmis fróðleikur og breytitöflur

Í gamla ökuskírteininu er merkt með stimpli við ökuréttindaflokka. Gildistíminn á skírteininu er tilgreindur framan á skírteininu og fyrsti útgáfudagur réttindaflokks á bakhlið. Nauðsynlegt er að endurnýja ökuskírteinið sem fyrst eftir að það rennur út. Ökuskírteini sem voru í gildi 1. mars 1988 og höfðu aðeins flokka A eða B í gildi en ekki C, D eða E halda gildi sínu að öllu öðru óbreyttu þar til að eigandinn nær sjötugsaldri.

Gamla ökuskírteinið
Með nýrri reglugerð um ökuskírteini sem tók gildi 15. ágúst 1997 er sett fram ný skilgreining á ökuréttindaflokkum til samræmis við flokkun sem tíðkast innan Evrópska efnahagssvæðisins.

Nýja ökuskírteinið

Flokkar á nýju ökuskírteini
Ökutæki
Athugasemdir
M
Létt bifhjól
öðru nafni skellinöðrur. Hámarks-stærð er 50 kúbik og hraði 45 km. (15 ára).
T
Dráttarvél
með öllum tilheyrandi eftirvögnum og tengitækjum. (16 ára)
A
Bifhjól
Í gildi eru tvö aflstig bifhjóla, neðri flokkur nær upp í 25 kW (34hestöfl) og efri flokkur yfir 25 kW. Til að fá réttindi á aflmeiri hjólin þarf að vera orðin 21 árs þegar próf er tekið eða hafa tveggja ára reynslu á hjól í aflminni flokknum. (17 ára)
B
Fólksbíll (einnig létt bifhjól, dráttarvél, torfærutæki s.s. vélsleði og akstur vinnuvéla í umferð)
Bifreið fyrir mest 8 farþega sem er að hámarki 3.500 kg að leyfðri heildarþyngd (með fullfermi og öllum leyfðum farþegum). Eftirvagn/tengitæki má ekki vera þyngri en 750 kg. (17 ára)
BE
Eftirvagnar fyrir fólksbíl
þyngri eftirvagnar og tengitæki en 750 kg. (18 ára)
C
Vörubíll
bifreið þyngri en 3.500 kg. Þó eru í gildi takmarkanir á þyngd fyrir ökumenn sem eru yngri en 21 í lengri ferðum. (18 ára)
74
- takmarkar þyngd vörubílsins við mest 7.500 kg
CE
Eftirvagnar fyrir vörubíla
þyngri en 750 kg. (18 ára)
76
- takmarkar eftirvagninn við C:74 vörubíl þar sem heildarþyngd bíls og eftirvagns má ekki fara yfir 12.000 kg.
D
Hópbifreið eða rúta
Hópbifreið fyrir fleiri en 8 farþega. Þessum réttindum fylgir í flestum tilfellum réttindi til farþegaflutninga í atvinnuskyni. (21 árs)
75
- takmarkar fjölda við mest 16 farþega
DE
Eftirvagnar fyrir hópbifreið
þyngri en 750 kg. (21 árs)
77
- takmarkar eftirvagninn við D:75 hópbifreið þar sem heildarþyngd bíls og eftirvagns má ekki fara yfir 12.000 kg.

Í nýja ökuskírteininu eru, auk ofangreindra flokka og tákntalna sem takmarka flokka, fjöldi tákntalna fyrir allt skírteinið. Þær eiga að gefa upplýsingar um hluti eins og réttindi sem gilda fyrir fleiri flokka en einn, búnað ökumanna eða bifreiða s.s. gleraugu eða annað til að bæta upp takmörk í líkamlegu heilbrigði, samrit skírteina og upplýsingar um erlend skírteini sem skipt eru í íslenskt o.fl.

Dæmi um tákntölur fyrir allt skírteinið

01.01
Ökumaður verður að nota gleraugu við akstur.
01.06
Ökumaður verður að nota gleraugu eða snertilinsur við akstur.
05.02
(xx) Takmarkar akstur við ákveðinn radíus (í km) frá heimili eða aðeins innan ákveðins bæjar. Takmörkunin er sett í sviga eftir tákntölu.
20.06 - 25.04

Flokkar í gamla kerfinu	Ökutæki	Athugasemdir
A	Bifhjól	líka kölluð stór mótorhjól
B	Fólksbíll	stærðarmörk eru mismunandi eftir því hvenær próf var tekið fyrst
C	Leigubifreið	farþegafjöldi mismunandi eftir því hvenær leigubílaprófið var tekið
D	Vörubifreið	réttindi á vörubíl og leigubíl voru tekin saman fyrir 1992 og kallaðist meirapróf
E	Hópbifreið eða rúta	ef hópbifreiðaréttinda var aflað með prófi fylgdu réttindi til farþegaflutninga í atvinnuskyni

Efst á síðu

Flýtileiðir:

Aðalleiðakerfi:

Efni síðu:

Ökuréttindi

Ýmis fróðleikur og breytitöflur

Símanúmer og aðrar upplýsingar :

Auka leiðir um vefinn :

Leitaðu á vefnum :